التنمر من أخطر المشاكل النفسية

التنمر من أخطر المشاكل النفسية

إن من اصعب وأكثر التعقيدات الموجودة بالحياة هي العلاقات بين البشر أو
العلاقات الإنسانية لما فيها من مشاعر وتفاعلات بيننا وبين بعضنا وبيننا وبين
أنفسنا وقد أتي لي الكثير من المتدربين والمستفدين في الجلسات لكيفية فهم
وطريقة التعامل فيما بينهم وبين أهليهم وذويهم وأصدقاءهم والعديد والعديد من
المشاعر والانفعالات التي تحتوي على الحب والكره والغضب والحزن
ولكن لم يفكر أحد أن أهم طرف في العلاقات هو أنت
نعم يا صديقي أنت أو أنتي أهم طرف في العلاقة وأنت من تحدد طبيعة وشكل
العلاقة دعني آخذكم معي في رحلة جميلة تفهمنا أكتر وتعلمنا أكتر وأصعب الأمور
تعقيدا وهي العلاقات البشرية

 العلاقات البشرية إما تكون مصدر سعادة وإلهام وطمانينة أو تكون مصدر ألم وتعاسة
في البداية يا صديقي يجب أن تحدد أنت في العلاقة أيا من هذا
هل أنت فعل ؟
هل أنت رد فعل ؟
هل أنت بتهرب من مواجهة المواقف بينك وبين البشر ؟
تذكر جيداا تلك الأسئلة وهيا بنا لتلك الرحلة الجميلة داخل النفس البشرية
أيوة يا صديقي داخل نفسك أولا تفهمها وتحبها لتعرف كيفية العلاقات من حولك
بتميز وجمال بدل من الضغوط النفسية والانهيار
فنحن في داخلنا ثلاث شخصيات تعيش بداخلنا وتتعدد أنواعها بحسب التربية
والثقافة ولكن موجودين بداخلنا الثلاثة وساقوم بشرحهم بالتفصيل بانواعهم
الأولى شخصية الطفل –
الثانية شخصية الوالد –
الثالت شخصية الراشد او البالغ –

kid inside usjpg

شخصية الطفل الداخلي

جواك وينقسم لثلاث انواع
الطفل الحر : طفل بيجري وبيمرح وبيضحك وبيعمل كل ما يحلوا له ف حدود
الاخلاق والادب ومبدع جدااا وواثق من نفسه وشخصية قوية
الطفل المتكيف او المذعن (منفذ الاوامر) : ده طفل تم عقابه كثيرا واصبح
ضعيف الشخصية مسيطر عليه من اي حد لجلب الحب وغير مبدع ولا قيادي
ودائم التردد ف كل شئ ف حياته وبيكون شخص اعتمادي
الطفل المتمرد (المشاكس) : هو طفل دائم التمرد على كل شئ وغير مبالي باي
شئ الا نفسه اناني وكمان يقع ف العديد من المشاكل لا سوت يعلو ع صوته
الداخلي غير مضمون النتائج كثير الغضب والانفعال
فكر كدة الطفل اللي جواك مين فيهم
خلي بالك احنا كلنا جوانا الطفل ده حتى لو كبر عداد عمرنا فهو ساكن بداخلنا
وعايش معانا مهما بلغنا من العمر

الشخصية الثانية : شخصية الوالد

fatherjpg
وهي مقسوم لنوعين
الوالد الحنين العطوف الداعم لكل من حوله
الوالد القاسي الناقد اللي بيقلل من كل ما حوله
طب انت عرفت الشخصية ديه منين ده بيبقى نموذج موجود ف حياتك وانت
صغير مثل الاب او الام او المدرس ف المدرسة العم او الخال
هي نماذج لها سلطة عالية لدينا ولها قيمة تربينا من خلالها
راجع كدة من الاول وشوف انت مين فيهم يا بطل وركز كويس

الشخصية الثالثة والاخيرة : شخصية الراشد او البالغ

adultjpg
ده بقى برنس المواقف بيتكلم بالمنطق والعقلانية وتحليل الامور من غير اي
عواطف او مثيرات للراي او الحكم متوازن الراي
طبعا التلات انواع دول جوانا وداخلنا ولكن احد تلك الشخصيات غالب علينا في
التعاملات
طب تفتكر انا باشرح ده كله ليه فكر معايااااا؟؟

من البداية قلت أي علاقة في حياتنا بدايتها ونهايتها أنت أو أنتي وبتنحصر
في الأسئلة السابقة اللي فاتت
فعل ولا ردفعل ولا هروب
بس استنى بس اكملك عشان اوضح لك الصورة الكاملة
لو اعتبرنا المشاعر والاحاسيس والذكريات الماضية (سلبي او ايجابي) حتعملنا
خريطة جسدية نفسية
بمعني ان جسمك كمان بيتشكل حسب رؤيتك ليه وكمان بيتفاعل مع المحيط البئيي
ليك بمعني ادق
انا مبسوط جدا بنفسي وبوزني وباحترم جسمي جدااا وبحبه وباطلبه منه
يساعدني اننا نوصل للوزن المثالي
ده اثبت فاعلية ليا وجسمي فعلااا بدا يخس
الاول كنت باحب نفسي بس داخليا كاره شكلي وتخني وكل حاجة فيا بس ظاهريا
كنت بحبه للاسف ده كان بيعرضني للتنمر والتريقة لحد ما اكتشفت اننا باعمل كدة
فى نفسي مش هما
ممممممممممممممممممممممممممممممممممممممم
مالك يا صديقي مفاجاة ولا ايه انت كدة كدة عارف انك بتجذب لنفسك الاحداث
والاشخاص وانك مغناطيس كبير
وحاجة كمان زي ما قلت عندك خريطة بها كم كبير من الذكريات السلبية
والايجابية
ومن اهم الاسقاطات ع السلبي او الايجابي علاقة الام بزوجة ابنها او البنت
وحماتها
لو افترضنا بنت اتربت مع ام متسلطة فكل عيوب امها تسقطها ع حماتها حتى لو
كانت الحماة بتعملها معاملة جيدة جدااا ولكن الخريطة النفسية لدى البنت مشوهة
لدرجة انها بتعمل الاسقاط ده باستمرار وتدخلها ف مشاكل لتحس بلذة الانتصار
على حماتها ومكنتش عارفة تنتصر على امها وهي صغيرة
ممممممممممممممممممممم
لاتتعجب ولا تستغرب ومرت عليا حالات كتيرة كدة وعلاجها اسهل ما يمكن
ومتقلقش انا ف الكتيب ده حديك الزتونة ف العلاقات بس خليك معايا للاخر
انت وهي واي شخص بيقرا لي كتاباتي
ابحث داخلك ع خريطتك النفسية من ذكرياتك للحواليك وابتدي فرغها واكتبها
واعملي بيها جدول وكل ما تلاقي تاني اكتب تاني خد راحتك يا برنس ويا
برنسيسة انتوا الابطال ف حياتكم
طب ده ليه عشان نحدد ونعرف مشاعرنا فين زمان ولمين وعشان نتعامل بطريقة
سوية مع الناس والاشخاص
(انت بطل فى حياتك بس اوعى تكون بطل فى مسرحية ودراما شخص تاني)
يعني ايه الكلام ده احنا فحياتنا حنقابل شخصيات كتير بتبقى عايز تعمل علينا
اسقاطتها النفسية من الاخر تطلع عقدها علينا) احنا فينا اللي مكفينا)
لودخلت ف نقاش مع شخص فى موضوع بسيط وفجاة لاقت الشخص ده انفعل
وكبره اعرف تمام المعرفة ان مش انت المقصود ولكن اسلوبك مشابه لشخص
قديم اساء اليه ومحتاج يوقف عند حده
او العكس تشوف بنت لاول مرة وتحس باتجاها بحب وطلب جواز و................
الخ اعرف ان مش هي ديه المنشودة ولكن شخص قديم جواك وانت محتاج تقفل
الملف ده
او شخص بيتعامل معاك على انك سبب كل مشاكله وانت اللي موقف حياته او
شخص بيتعامل معاك على انك بطل او شخص بيتعامل معاك على انك بتكره
وبتحفظ كل دول ليهم درامتهم الخاصة فاطلع من الدور ده ومتدهيوش فرصة انك
تكون شماعة له او بطل ف روايته هو
طب عايز افهم يا استاذ حاجة مهمة السيناريوهات ديه اتكونت ازاااااااي اصلاااا
اقولك انا كدة انت منتبه معايا ومتابعني كويس احنا قلنا ان الخريطة بتاعتنا
بتتكون من الصغر فلو عندك خوف من اخوك الكبير ولسة موجود بيتعمله اسقاط
بنت الجيران بتحبها زمان وبعدتوا لاي ظرف بس حبها لسة جواك اي مثير لاي
بنت تشبهها ف طريقتها بتحفز الذكرى الجميلة وتقع ف حبها
الحب من اول نظرة بحبوا يا بابا !!!!!! ايوة من غير استغراب انت مستهون يا
صديقي ان 80 % من شخصيتك بتتكون لحد سن 16 سنة بيبقى كتالوج اتظبط
بقى للتعاملات المستقبلية
فكل ملف جوانا متقفلش عمل لنا قفلة جوانا وبقى عامل حاجز ومشكلة ارجع
للخطوات ودور ع الملف واقفله بالاعتراف بوجوده وانه خلاص انتهى ولو
معرفتش اطلب المساعدة من كوتشنج يساعدك على الملف ده
وف حاجة خطيرة جدا بيعملها الاباء والامهات مع ابناهم اسلوب انت فاشل وحمار
وانت متستحقش ومتستاهلش وانت مش شابف ابن طنط فلانة وعلانة (راجع
مقالة المقارنة بالأخرين) دي بقى بتخلي الشخص باستمرار عايش حياته بلوم وجلد ذات
واحساس بالتقصير رغم انه مش كدة ولا مقصر ولا حاجة بس للاسف اسلوب
تربية خاطئ
وف اسلوب تاني اتربينا عليه الكلام حاجة والفعل حاجة تانية خالص
مثلاااا الاب بيشجع ابنه من صغره عانه يجتهد ويختار اللي بيحبه ويجي ساعة
الاختبار الحقيقي للاب ف الثانوية العامة مثلا ويقول ادخل طب او هندسة او اي
حاجة انا عايزه انا وماما وانت مش مهم المهم الفعل احنا عايزين ايه
معلش يا بابا وماما ابنكم مش مصباح علاء الدين لتحقيق احلامكم
او زوجة بالكلام انتي حبيبتي وانتي وانتي ......... الخ ولما تحصلها مشكلة او
وعكة متتعذرش ويتقالها وانا مالي بالفعل
ف بعض الاشخاص لما زوجته عندها العذر بيروحها لبيت ابوها لحد ما تخلص
الفترة او هو بيروح يقعد عند اهله ف البلد )حقيقة وحدث ولا حرج (
واشهر حاجة كمان المجتمع اللي بينادي بحرية المراة ف اللبس وف حياتها واول
ما تتعرض للتحرش وتشتكي بدل ما يعاقبوا الفاعل بيحملوها هي سبب الجرم كله
هي اللي عار ومتربتش ووووووووووو....... الخ
كمان اتربينا ع ان الراجل مينفعش يكون حنين لازم يكون سي السيد سوء اخ او
اب او زوج او ابن حتى مينفعش يبكي مينفعش يحس او يكون عنده رحمة فخلقنا
جيل متبلد الاحساس وكمان اناني واعتمادي
والبنت تبقى هي اللي بميت راجل وهي اللي تشيل وتستحمل كمان
كل اللي فات ده بيخلي اصحاب الشخصيات ديه تربة خصبة للمرض النفسي
والانعزال والوحدة لان للاسف مبثاش عندنا استعداد نسمع بعض ولا حتى عندنا
استعداد نفهم سلوك الاخر
كلنا يا صديقي بحاجة لموجة او مرشد كوتشنج ف حياتك يساعدك نظرا للتربية
السيئة والاسلوب المتدني ف التربية
وبنرجع نلوم اهالينا وده برده غلط لان للاسف ثقافة مجتمع وتربية تورث من
قديم الازل من الجد للاب للابن للحفيد سلسلة جيل من بعد جيل
تحس انها دايرة مغلقة وكاس داير للكل ف بيئته ومجتمعه
يعني مفيش علاج !!!!!!!!!!!!!!!
لا طبعا في علاج واول خطوات العلاج تفهم نفسك وتفهم علاقتك بجسمك عشان
تعرف انت بتخرج ايه عشان يجيلك ايه
النقطة التانية وهي القرار ناخد قرار بكسر كل التقاليد الغلط والسلوكيات الغلط
اللى اتربنا عليه ونبتدي نبني سلوكيات جديدة
نحدد شخصيتنا ونطورها ونفهمها
نبدا نفهم الطرف الاخر من اسلوب وطريقة كلامه وهو بانهي شخصية بيتكلم
عشان نعرف نجريه ف التواصل
مثلا ميبقاش حد مخنوق ومضايق وتعبان وتتكلم معاه ف نصايح متهايلي مش
مكانك هنا يا عم العاقل الحكيم هو محتاج الطفل اللي بيهزر او الاب الحنين اللي
يخرجه من حزنه يا حمادة ؟؟؟؟؟هههههههههههههههه
طبعا خد امثال كتير ف حياتنا وف اهلنا احنا هنا مش حنتجنب ولا نبعد عن
العلاقات السامة بالعكس ده ممكن نكون احنا اللي بنسمم علاقتنا بايدانا واحنا مش
فاهمين ونعرف انهي شخصية تطلع ف الموقف ده
طبعا كل المواقف اللي ف حياتنا ممكن توصلنا لجنون والاكتئاب والوساوس بس
التعاملات مع الناس هنا يجي دور قرارك يا بطل لما تفهم
احنا كبشر كلنا عيوب واخطاء ومش خالين منها لان احنا بشر مش ملائكة
لازم نتقبل اننا ممكن نخطئ ونصيب لا زم نعرف نسامح ونحب ونتعايش مع بعض
لازم نعرف اننا بنكمل بعض مش بنستقوى ع بعض لو اخدت اهم قرار ف حياتك
انك توقف غضبك ولومك للاخرين ووجه لاي حاجة انت بتحبها وتشاركها مع
الناس تجاربنا السابقة واستخلاص الدروس منها ده من اهم فوائد الاحتكاك
بالبشر
كل اهتزازات النفسية وعدم ثقتنا في البشر نابعة من جوانا
غضبنا الداخلي شوهنا وشوه كمان علاقتنا بالناس لدرجة اننا مبقاش عندنا
استعداد نفهم ونتعلم ونتعامل
رسالتي ليك وليكي ولأي شخص بيقرأ المقال
صدق انك تستحق الأفضل في حياتك وإنك أنت بطل روايتك وانت النجم اللي بيحط
سيناريو حياته بس اوعى تخلي سيناريو حياتك مشوه نضفه وعالجه
ساعد نفسك بالتعلم او اطلب المساعدة استفيد بكل لحظة ف حياتك اسعد نفسك
وحبها
انزل واتعامل مع الناس اعرف مين عايزك تبقى بطله ومين عايزك ضحيته ومين
عايزك جاني او ظالمه اتعلم منهم وعلمهم
فاكر الخريطة النفسية اللي مليانة تشوهات عدل تشوهاتها واملا فراغتها بالحب
والاتزان والتسامح
بس المهم تصدق انك تستحق وتصدق انك روح مكرمة من عند الله خلقة بجمالها
ولجمالها من نفسها وثقتها
انت تستحق انت البطل انت شخص مميز عيش حياتك بالسعادة والحب
وخليك فاكر اوعي تكون انت الافعى اللي ف جوفها السم فبتسمم نفسها قبل
الاخرين وبالتالي بتسمم حياتها

دمتم بخير وسلام وسعادة :)
أحمد عبدالله
لايف كوتش ومعالج بالطب التكميلي
ومؤسس نفسيكو www.nafsico.com

لحجز الجلسات رجاء التواصل على 201204900556+

مجموعة نفسيكو على الواتس What's app، اضغط هنا:
https://chat.whatsapp.com/BwLeRcS1i680PpgWkArvsm 
من خلال مجموعة على Telegram تليجرام، اضغط هنا:
t.me/Nafsico

للمزيد عن اللايف كوتش أحمد عبدالله: LinkedIn:
https://www.linkedin.com/in/ahmed-abdallah-317b00174/