الرد على كلمة معلش

الصغننة دي:

ابن استاذة انشراح طفل في الابتدائي ولكنه يتعامل مع الأطفال في الفصل أنه ابن
المدرسة من حقه يعمل أي حاجة
كان بيضرب الاطفال ويهزر معاهم بأسلوب خشن وطريقة غير محترمة وكان رد

الشكوى للطفل المهضوم حقه هو معلش يا حبيبي

المهم ابن الأبلة في مرة ضرب طفل والطفل راح اشتكى فالأبلة قالت له معلش

الطفل مقتنعش فراح سأله أنت عملت ليه كدة رد عليه قاله مزاجي وإذا كان
عجبك (بطريقة الاطفال) الطفل رد له الضربة بقوة بعد ما حذره
ابن الابلة راح اشتكاه للمدرسة قامت المدرسة عنفته وقالت له تضربه ليه وقامت
بعقابه (رغم أنه اشتكى من ابن الأبلة واتقاله معلش) وأخد جاووب استدعاء ولي
أمر
الطفل روح وحكى الموضوع لباباه ووالدته
ثاني يوم في المدرسة راح لمدير المدرسة وحكاه له الموضوع والمدير قاله معلش
الأب هنا أثار حفيظته فاضطر لاستعمال العنف مع المدير وقاله معلش وقوة بقوة
فمتهايلي أنت بأسلوب معلش خليتها غابة مش مدرسة للتعليم
ابن الابلة اتحرش وسرق واقتل واغتصب والأهل يرمموا وراه مشاكله وبالتالي
يتجوز ويجيب أطفال بردو معلش
هاااااا يا صديقي أليس معلش بتدمر فعلااااا؟؟؟

معلش بداية تنازل عن الحق فتاخد حقك أفضل من إنك تطلع شاب غير سوي
كم زوجة اتظلمت من تحت كلمة معلش ونستحمل
 كم حق اتاكل بسبب كلمة معلش
كم حلم ادفن بسبب كلمة معلش وكلمة معلش بتخلي أكل الحق أقوى وهو عارف
إنه له ظهر وسند وفي الأخر يفسد براحته ما في الاخر يا صديقي حتنتهي بمعلش
ومراضية بكم ألف أو بالبلطجة

معلش متبنيش ولا تحقق احلم لأنها بتخلق جو من العنصرية والتنمر
ممكن تكون مميز اه بس ميزتك وجهها لتحقيق حلمك وانك تكون شخص
الناس تقول عليه مميز وممتاز إنما انت مركز بس على هدفك

كتير ف جلسات الكوتشنج معايا بتجيلي عملاء فعليا متدمرين بسبب الأفضلية
والمقارنة ومعلش وولايهمك

شماعات العصر الحديث إنه مش مركز إلا في بس إنها تكون أفضل من فلانة
أو معلش اتأخرنا وأعوضها لك

وطبعا ده مش جبر خواطر ولا حتى مسكن ده كدة عامل زي تنك بنزين بتملاه
نقطة نقطة لحد ما بينفجر في وشك وتبقى ساعتها أنت الندمان

أيها الاباء وأيتها الأمهات كم مرة علمتوا أولادكم المقارنة والتنمر بالغير؟؟؟
كم مرة ادتوهم الأفضلية في حاجات هما ميستحقوهاش؟؟؟
كم مرة ربتهم تربية غير سوية فأصبح بالتالي شاب لا يعتمد عليه؟؟؟
كام مرة الأفضلية حققت لكم أحلامكم فيهم؟؟؟
يا ريت نربي الأطفال على أنهم يجتهدوا وباخلاقهم واجتهادهم يكونوا أفضل
هاااا يا صديقي تحب بقى ايه
معلش ولا لايهمك ولا أنت احسن؟
فكر كدة وركز معايا تفتكر ديه فعلا خطيئة تدمر اسر ومجتمعات ركز وقولي رايك
يا صديقي  

---