انواع الشخصيات المستفزة والتعامل معها

كيفية التعامل مع الشخصيات المستفزة والشخصيات المؤذية

في المقالة دي سنتناول التعامل مع الشخصيات الصعبة والمؤذية،

في مقالة سابقة عن العلاقات كنت تحدثت عن البطل صاحب الرسالة لفهم نفسه

وذاته لكي نعرف كيفية التعامل مع الشخصيات السامة أو المؤذية في حياتنا بدل ما نهرب

منهم وننعزل فى وحدة ونكتئب صحتك بالدنيا وابني حدودك في التعامل معاهم

لوقف سمهم ووقف سم الغضب داخلك منه!


ايوة الوحدة عمرها ما كانت حل أو الانعزال عمره ما كان تريح دماغ لأننا ببساطة

فى فحياتنا الشخصيات ديه من المقربين لينا ومينفعش نعتزلهم زي

أب أو أم أو زوج أو أخ أو صديق دراسة أو جار أو مدير فى العمل

شخصيات كتير فى حياتنا بتجبرنا على العزلة والوحدة وملئ كوبنا بالمشاعر

السلبية والسامة

المقدمة عن كيفية التعامل مع الشخصيات الصعبة والسامة:

بس خلينا في البداية أوضح لك نقطة مهمة جداااا

فى دراسة اتعملت على مدار 75 عام لمجموعة كبيرة منهم الأفراد على العلاقات

الاجتماعية واللي كانت نتيجتها مفاجأة مدوية للفرق القائمة على تلك الدراسة

وجدوا أن الأشخاص اللي بينعمو بعلاقات طيبة وسوية بين الأشخاص بيكون

عمرهم أطول وحالتهم الصحية أفضل ومقاومتهم للأمراض أفضل وسرعة شفائهم

أسرع لأن علاقتهم فيها حب وتسامح وطيبة وود

وإن الأشخاص اللي علاقاتهم غير سوية وكتير مؤلمة أو منعزلين وعايشين في

وحدة أعمارهم أقل بكتير وكمان سرعة إصابتهم بالأمراض وكمان ضفائهم بطئ

متهيألي إننا نصحح علاقتنا ونعرف نتعامل ازاي مع نفسنا أفضل بكتير عشان

نبقى أحسن والأهم نحمي نفسنا من الأمراض العضوية والنفسية

أهم علاقة محتاجة لتصحيح هي علاقتك مع جسمك ونفسك

(طبعا مش محتاج أكد وأتكلم عن علاقتك مع الله لأنها فطرة وجزء لا يتجزا مننا)

في الجزء دة حاكلمك عن أسوأ شخصيات بنقابلها في حياتنا وازااي نوقف

سمومها وكمان ازاي نتعامل معاها بسهولة ويسر ومن غير انفعال لينا

وان الحل مواجهتهم مش الهروب منهم حأقولك ايه هما بالترتيب وارجع اشرحهم

واحد واحد

الأول: الغدار ذو الوجهين

الثاني: اللوام (كثير اللوم والشكوى)

الثالث: المتنمر (كثير تصيد الأخطاء)

الرابع: المسيطر (بيحب يتحكم فى اي حد الفضولي)

الخامس: المتعالي (المغرور)

السادس: المراوغ (بيلف ويدور)

السابع: الفاشل فى التواصل (تقيل الدم اللزقة)

طبعا أنت بتعرفهم عشان تعرف تفهمهم وتعرف توقفهم عند حدهم وتعيش حياتك

بسعادة


 1jpg

الشخصية الأولى : الغدار (ذو الوجهين)

طبعا من اسمه واضح هو شخص يبين لك انه بيحبك وبيضحك فى وشك ومن

ظهرك بيتكلم عنك وحش وممكن ينتهز فرص ويقضي عليك

الشخص دة لأنه ضعيف وغير واثق من نفسه شايف الدنيا سباق والحل عشان

تكسب السباق ده تقضي على خصومك بتوقعيهم في المشاكل

ممكن يطلع اشاعة يقضي عليك المهم انه هو يبان حلو وانت وحش بأي وسيلة

مش مهم

افضل الطرق للتعامل مع ذي الوجهين

قبل ما اقول الحل ايه أقولك رد فعل أغلب الناس اللي بتساعد على زيادة الغدار ده

لما بتعرف إن الشخص دة غدار بتتجاهله وبتكبر دماغك منه وده رد فعل مش

صح لأسباب عديدة أهمها إن الشخص ده جبان وغير قادر على فعل أي شئ

الحل الصح إنك تواجهه بأفعاله ولو أنكر قوله عموما أنا عرفت إن انت اللي عملت

كدة ولو أنكر قوله عموما كويس إن اللي وصلني مش صح بس لو عرفت إن انت

فعلاااا هيبقي حسابك عسير وأنت باصص في عينه بتركيز لأنه فى الوقت ده هو

بيشوف قوتك وبيان ضعفه قدامك وهيعمل ألف حساب قبل ما يفكر يغدر بيك أو

أن يطعنك فى ظهرك لأنه جبان وحط تحتها ألف خط


 1jpg

الشخصية الثانية: الشخص اللوام (كثير الشكوى)

ده بقى عايش عالطول دور اللي بيضحي ودايما بيحاول يحسسك بالذنب وبيتاجر

بمشاعر الأخرين وعلى الطول بيتلذذ بأنه بيمتص طاقتك بالأسلوب ده أنت السبب في

كل حاجة سلبية فى حياته أنت السبب فى التلوث البيئي كمان حتى لو ملكش علاقة

كل متعته إنه يحسسك بالذنب ويلومك حتى على تقصيره ودووول كتير فى حياتنا

زي ما قلت هو بيستغل المشاعر والاحاسيس لأنك ببساطة بتحب الناس تشوفك

كويس بدل الإحساس بالذنب


كيفية التعامل مع الشخص كثير الشكوى

حل الشخص ده ببساطة توقف التفاعل بالمشاعر والأحاسيس معاه بمعنى اصح

لما يبتدي يدخلك في نقطة إن ضحى عشانك ابتدي اسأله ضحيت بإيه أو عملت ايه

عشان أعرف متنساقش معاه في المشاعر والأحاسيس استخدم معاه أسلوب العقل

والمنطق

الشخص ده هو اللي حيبعد عنك لأنك بكل بساطة مش عندك بضاعته اللي هي

الاحساس بالذنب


 1jpg

الشخصية الثالثة : المتنمر (متصيد الأخطاء)

من اسمه ده شخص بيشوف أي عيب وينتقده فيك بطريقة مباشرة أو غير

مباشرة

الطريقة المباشرة يقولك أنت فيك وفيك وعيبك وعيوبك ...... الخ

الغير مباشرة أن يظهر لك أن بيهزر وخايف عليك ويتريق مثلاااا زي أنت تخين

أنت قصير أوووي أنت وأنت .................. الخ

المهم بيحاول يكون نجم على حساب عيوب الناس حتى لو بأذية مشاعرهم

طبعا بيبقى أسلوب نابع من نقص في السلطة ونقص في الرضا عن نفسه وأوضاعه

فبيستحدم مع الأقل منه

طبعا أغلب الناس بتستخدم أساليب رد متوقعها هو عليه

الأسلوب الأول أسلوب التجاهل وعدم الرد (برودة الاعصاب معاه)

الأسلوب الثاني أسلوب الهجوم والخناق بدون تفكير (التعصب والغضب)

الأسلوب الثالث أسلوب التبرير والدفاع عن نفسك أو الرد بنفس أسلوبه

طبعا الثلاث أساليب دول هو عارفه وعارف ردودهم ومحاولة استخدامه حتزيده

لذة واستمتاع


كيفية التعامل مع الشخص المتنمر

 تعالى أقولك احنا اتعلمنا مع بعض اسلوب المواجهة والنقاش مع

نفسنا لازم نوضح له إن الأسلوب ده غلط ونسمي الأسلوب باسمه إن ده عنصرية

وتنمر وقلة ذوق وقلة ادب واحترام

الجميل فى الموضوع إن المتنمر مش بيحب أفعال تبان على حقيقتها ولا بيحب

وصف الصحيح لأفعاله فبالتالي هو هيتجنب الإساءة إليك والتنمر لأنك فاضحة

وهو بيخاف أووووي على شكله قدام الناس


 1jpg

الشخصية الرابعة : المسيطر المتطفل

زي ما واضح من تعريفه هو شخص بيحب يتطفل على غيره وينتهك خصوصية

أي حد وشايف إن العلاقات عبارة عن تملك وسيطرة ولكن بيعمل ده بطريقة

مختلفة طبعا كلنا مش هنحب حد يتدخل فى حياتنا ولكن الشخص ده بيعمل كدة

بأسلوب انه مهتم بيك ويراعيك وبيخاف عليك وإن على الطول قلقان عليك يتصل بيك

كتير يسألك كتير حتى في أدق خصوصياتك لأنه بيخاف عليك

هو شخص عالطول قلقان فتدخله فى حياتك بيخلي مطلع على كل الأمور وبالتالي

هيبقى مطمن ومش قلقان

الشخصية ديه بنلاقيها تملي في الأهل بعد زواج الابن أو البنت من خوفهم عليك

فضولهم بيجعلهم يتدخلوا في حياتكم

كيف أتعامل مع الشخص المسيطر المتطفل

الحل معاهم بكل بساطة ووضوح انك مش محتاج حد يهتم بشؤونك وإنك بخير

وفي أمان وإنك كويس جدااا من غير ما ترضي فضوله حتى لو زعل أو اضايق

ففهمه إنه من حقك تعيش حياتك وتهتم بحياتك وأن هو يهتم بحياته بشكل مباشر

ومن غير زعل ولا غضب وإن حياتك ملكك أنت من غير سيطرة منه عليها وإنك

مش محتاج واصي عليها وفي الغالب بيفهم الرسالة ديه مباشرة وبيوقف قلقه وبيقلل

تدخله فى حياتك


 1jpg

الشخصية الخامسة :المتعالي (المغرور)

أبو العُريف عارف كل حاجة وهو مش عارف حاجة شايف الناس كلها جهلة

ومش بتفهم وهو الوحيد اللي بيفهم ف الغالب هو شخص عنده احساس بالدونية

والاحتقار لذاته فبيعمل إسقاط على اللي حواليه باستمرار بيتكلم في مواضيع كبيرة

بلغة إنجليزية يعني كدة هو مثقف وعلامة عصره وزمانه

بيتلاعب بمشاعر عدم الأمان لدى الناس


 كيف أتعامل مع المتعالي - كيف أتعامل مع المغرور

الشخص ده يمكن من أكتر الشخصيات اللي تصعب عليك هو مش حد وحش بس

للأسف محتاج يتعلم صح ويفهم ويتعالج

اأضل طريقة للتعامل معاه متاخدش أي نقاش معاه على محمل الجد ولا تحاول

تثبت نفسك وإنك صح قدامه. أفضل طريقة اتعامل معاه بأسلوب أنت صح وسيبه

متاخدش نقاشات بجدية ولا محاولة لإثبات خطأ كلامه

اسمع كلامه على أنه فيلم خيال علمي بتستمتع به وبس


 1jpg

الشخصية السادسة : المراوغ (النصاب)

أنا باحب أسميه باراشوت الشيلة. ده حد بيرمي نفسه مع أي حد يصرف عليه

وياخد منه على قفاه يعني يستلف وما يردش يوعد ومينفذش

واتعود على الهروب من المشاكل وأنه يعيش على قفا الناس ولو في فريق عمل

يحاول يستجدي عواطف الفريق عشان يساعده ويعمل الشغل معاه أو بداله

بيستغل ان كدة كدة لازم يكمل وياخد مجهود الناس على الفاضي الباراشوت


كيفية التعامل مع المراوغ

الشخصية ديه أوعى تساعدها لو فى فريق عمل خليه يتحمل نتيجة تقصيره ويتحط

قدام المراية إنه غلطان هو بيبقى فاهم إن دية شطارة وفهلوة وإنه كدة هو ناصح

لا تساعده ولا تتعاطف معاه وأي كلام يقوله ردك يكون ديه شماعة خليه يلتزم

ويتعدل لما حيلاقيك فاهم وعارف حيلتزم معاك أو هيبعد عنك ويتعامل معاك بجدية

مش بفهلوة وطبعا دووول كتير ههههههههههههههههههه

المهم خليه يتحمل نتيجة أعماله وأخطائه


   1jpg

الشخصية السابعة : الفاشل فى التواصل

من اسمه ده شخص بيرغي كتير جدااا أي حاجة في أي حاجة ويعيد ويزيد فى

الكلام حتى لو الموضوع مش فى اهتمامك وما يصدق يلاقي حد يسمعه

هو شخصية مركبة ومعقدة بس مش مؤذي بس معندوش إحساس بالوقت ولا

بالمكان عنده استعداد يتكلم مع أي حد في أي وقت المهم يستلم ودانه وميسبهاش


كيف أتعامل مع الفاشل في التواصل

أفضل طريقة للتعامل معاه توضيح له إن عندك مشوار مهم خلال ربع ساعة

او مضطر تسيبه عشان عندك شغل وتفهمه ان الموضوع ده مش ف نطاق

اهتمامك وان عندك مواعيد محتاج تخلصها


طبعا احنا كلنا ممكن يكون جوانا جزء من التركيبات اللي شرحتها من قبل المهم

لما تفهمه وتعرفهم تقدر تتعامل معاهم وكمان تفهمهم وتوقفه عشان تعيش حياتك

بسعادة وتحافظ على هدوئك وعلى توازنك النفسي وتعرف تستغل وتوجه غضبك

لحاجة تفيدك


دمتم بخير وسلام وسعادة :)
أحمد عبدالله
لايف كوتش ومعالج بالطب التكميلي
ومؤسس نفسيكو www.nafsico.com

لحجز الجلسات رجاء التواصل على 201204900556+

صفحتناي على الفيسبوك:

مجموعة نفسيكو على الواتس What's app، اضغط هنا:
https://chat.whatsapp.com/BwLeRcS1i680PpgWkArvsm 
من خلال مجموعة على Telegram تليجرام، اضغط هنا:
t.me/Nafsico

للمزيد عن اللايف كوتش أحمد عبدالله: LinkedIn:
https://www.linkedin.com/in/ahmed-abdallah-317b00174/