حاسس إن معمولي عمل

قبل الذهاب إلى الدجالين

عميلة زارتني ودة كان كلامها أيوة معمولي عمل و راكبني عفريت أو جن وبيتكلموا بكل اللغات لدرجة إني مش عارفة أنا مين فيهم وروحت لشيوخ كتير وكل شيخ يقولي عليكي قبيلة ومحتاجة إنك تصلي وتعملي عبادات. ةمنهم اللي قالي ده نتيجة عمل معمولك سحر سفلي معمول على إيد ساحر أفريقي في بلاد الواك الواك!!

وحدث ولا حرج في طلبات الاسياد من بخور وعطور وحاجات كلها مكلفة لالاف الجنيهات. أنا خلاص تعبت وفيه شيخ منهم قالي يتحل بأني اتجوزك عرفي لليلتين وأخليهم ينصرفوا ودة المحترم منهم وفيه منهم اللي طلبها من غير جواز عشان أتعالج!

للأسف أنا تعبت وجوزي كمان تعب والنوبات ديه بقت بتزيد بطريقة مستفزة واللي خلاني تعبانة أكتر بقيت بأنفر من جوزي وولادي وأنا مكنتش كدة خالص وكنت زي الفل وديه كانت قصة من الحالات اللي جاتلي في الجلسات.

قصة تانية زوجة بتستغل النوبات ديه عشان جوزها ينفذ طلباتها ويبقى تحت أمرها وتبتزه لطلبات الأسياد!

 1jpg

طبعا كتير قابلنا الحاجات ديه بنات وستات وكمان شباب ورجالة وبيتقال لهم أنهم راكبهم عفريت وجن وكلام زي دة كتير ودجل ولإضافة معلوماتك دة مش موجود في مصر بس ولكن موجود في العالم العربي وأوروبا وفي الولايات المتحدة الأمريكية.

مش حدخل في جدال ديني معاكم ولكن الأمر محسوم في القرآن الكريم والعلاج موجود وغير ذلك يبقى اسمه مرض صرع وحاشرح لكم رأي العلم في الموضوع دة بس مبدأيا أكتر الحالات اللي كانت بتيجي لي في الجلسات كانت مشكلتها الأكتر نفسيا مش راكبها عفريت ولا جن وطبعا المخ وقوته ومدى إيمانها بالفكرة عليه الباقي وبيساعد فيها الوهم كتير.

المقالة دي علمية باحتة وتفسير العلم للموضوع وفي النهاية حأقولكم وجهة نظري وكمان ليه أكتر الحالات بتتعالج

فى نوع من أنواع  الصرع اسمه خلل في الفص الصدغي  أو صرع الفص الصدغي

(Temporal lobe ) أو الفص الصدغي في المخ (دور على النت واقرأ أكثر عنه) والجزء دة من المخ في الذاكرة المسئولة عن العواطف والمشاعر واللغة والادراك والسمع

الجزء دة من المخ مسئول عن تحليل العمليات وتفسير الأصوات كمان عن الادراك

أي خلل فيه بيأثر تأثير مباشر على سماع أصوات أو روئية أشياء غير مفهومة أو حتى تغيير الصوت وممكن كمان يخليك تتخيل عوالم أخرى.

بمعنى أدف إن أي خلل في الاشارات الكهربية للفص الصدغي بتأثر على كامل عملية ادراكك وبالتالي تشوف اللي بيحصل للناس اللي عندهم عفاريت

اللي بيدي فرصة للدجالين والمشعوذين ويقولك ركبوا عفريت أو ملبوس

طب نفهم ده ازاااااااي؟؟

انا قلت الاشارات الكهربية للمخ. المخ بتاعنا بينقل الحركات والسمع والبصر باشارات كهربية وليها سرعة بمعدل طبيعي واللي هو 100 متر ف الثانية (اتاكد من دكتور اعصاب وحتلاقي كمان المعلومات على النت بس دور صح )

وطبعا لما بيحصل خلل في الفص الصدغي ده سرعة الاشارات ديه بتتضاعف لاكتر من 500 مرة في الثانية وبالتالي بيؤدي إلى التشنجات والهلوسة وانعدام الادراك وغياب الوعي والاغماء في بعض الأحيان.

والخلل دة له درجات بتبدأ من خلل بسيط لحد مرحلة الصرع وهي ممكن تحصل مرة في العمر أو ما تحصلش خالص

تشير إحصائيات منظمة الصحة العالمية إلى أن هناك ما لا يقل عن 5% من سكان العالم يتعرضون للإصابة بنوبة من التشنجات، بسبب اضطراب نشاط كهرباء المخ مرة على الأقل طوال حياتهم، ولذلك فإن مرض زيادة كهرباء المخ يعتبر من أكثر الأمراض العصبية انتشاراً، ويصيب النساء بشكل كبير للغاية، مقارنة بالذكور.

أسباب الهلاوس

وأكيد مش الفص الصدغي هو السبب ولكن هو عامل أساسي ويوجد أسباب أخرى:

-         أورام بالمخ : بعض أورام المخ تؤدي إلى زيادة النشاط الكهربي بالمخ وخلل في نقل الاشارات

-         العامل الوراثي : وجود إصابة لحالة صرع وانتقالها بالوراثة إلى أفراد الاسرة (إصابة أحد عائلة الأب أو الأم )

-         خلل ف الدم : نحن نعلم أن الدم يساعد على نقل الاشارات العصبية فإذا وجد نقص عناصر منه مثل الكالسيوم أو عناصر أخرى يؤدي إلى زيادة الكهربية بالمخ

-         بعض حالات الاكتئاب تؤدي لذلك الخلل بالمخ.  

إذن كل تلك الأسباب تؤدي إلى تشنجات وأعراض الصرع وتختلف شدتها من شخص لأخر

أهم حاجة أدت إلى زيادة الكهرباء وهي الأجهزة المحمولة والتقدم التكنولوجي لأن زيادة التعرض للمجالات الكهرومغناطيسية يؤدي إلى زيادة كهربية

لذلك ينصح أطباء المخ والأعصاب بالابتعاد عن تلك الأجهزة ليلا

خلل المخ سببه نفسي أم جسدي؟

الموضوع ببساطة لو الخلل دة سببه نفسي أو التعرض للمجال المغناطيسي، بيطلب منك الهدوء والصلاة وقراءة القران فدة بشكل طبيعي بيعيد التوازن للجسم وللكهربية بأجسامنا

طبعا الكلام العلمي والنظريات العلمية ضد كلام الشعوذة والدجل وكم الاستنزاف الهائل للأموال والأنفس يخليهم يحابوا الطب او العلاج النفسي وطبعا كلام الأفلام والميديا مقدسة ومصدق وطبعا ذاكرة ايه اللي بتعمل المشكلة ديه

بس لو عرفت إن مخك بيخدعك بنسبة 90 % وفي تجارب علمية كتيرة تثبت دة!

عايز تروح لمشعوذ روح وخليه يفلسك ومش حتوصل لنتيجة لأن لو مشكلة الشخص مشكلة في المخ من الأساس بالتالي لازمك التدخل الجراحي ونسبة النجاح بتوصل لنسبة 80%

طبعا معظم الحالات اللي ساعدتها كانت بتعاني من مشاكل نفسية عميقة بتسبب ليهم حالات إغماء وبعض أعراض الفص الصدغي.

كيف نحافظ على توازننا؟

إن الحالات النفسية المتزنة تجعلنا في أعظم حالات طاقتنا الايجابية

الحالات النفسية غير المتزنة تؤدي إلى التأثير على كل الجسد وبالتالي تؤثر على كيمياء المخ وتؤدي إلى حالات مشابهة للصرع أو نوبة بسيطة منه

الغذاء الصحي السليم يساعدنا على التوازن أيضا وإخراج الكبت والرياضة

كدة متهأيلي قدرت أعرض عليكم الموضوع بشكل شامل لو حد جيه وقالك معمولك عمل أو راكبك عفريت أو راكبك جن، بخرزانتك وطلع العفريت من جسمه ههههه

أو اعرض نفسك على دكتور أعصاب لعمل اللازم ومعرفة السبب لهذه الحالة

إن كل الحالات الشاذة وغير المعروفة أسبابها يحاول العلماء تفسيرها علميا بقدر كافي ويوجد علوم أخرى كالطب التكميلي يساعد في علاج تلك الحالات.

القرار بإيدك وتليفونك معاك أو جهازك وابحث ودور واعرف وافهم قبل ما تروح لمشعوذ او دجال لاستنزافك وسرقة أموالك باسم راكبك جني وعفاريت


دمتم بخير وسلام وسعادة :)
أحمد عبدالله
لايف كوتش ومعالج بالطب التكميلي
ومؤسس نفسيكو www.nafsico.com


لحجز الجلسات رجاء التواصل على 201204900556+

صفحتناي على الفيسبوك:


مجموعة نفسيكو على الواتس What's app، اضغط هنا:
https://chat.whatsapp.com/BwLeRcS1i680PpgWkArvsm 

من خلال مجموعة على Telegram تليجرام، اضغط هنا:
t.me/Nafsico



للمزيد عن اللايف كوتش أحمد عبدالله: LinkedIn:
https://www.linkedin.com/in/ahmed-abdallah-317b00174/