كيف اقتنع بشكلي وأنا تخين

كيف اقتنع بشكلي وأنا تخين

في البداية اسمحوا لي أتكلم بالعامية في الموضوع دة.

أنا تخين / انا تخينه

أيوة بأقولك أنا تخين ومبسوط بده كمان! ملهاش لازمة إن كل حد يشوفني يقولي خس أو يجرح فيا أو حتى يتريق على جسمي.

اللي بيعاني من زيادة الوزن دة مش شخص اختار إنه يكون تخين ولا هو شايف إن التخن ده بإيده وعلى فكرة الشخص بيكون جرب أنواع رجيم كتيرة جدااا لا تعد ولا تحصى، وراح لدكاترة كتير. واقولكم على حاجة انا كان ميعاد دكتور التخسيس كأني رايح المشرحة.

معظم دكاترة الرجيم اللي كنت بيروح لهم كانت بتنتهي معايا بمشكلة وفي الغالب مش بأكمل.

واحد هناك بيتريق وبيقول معندكش إرادة أقوله تعالى يا بتاع الإرادة أنت وقولي بقى إرادة لإيه وفي ايه، مش حتعرف تضحك ع جسمك لأن باختصار أمثالك اللي بيتريقوا على التخان خلوهم كارهين نفسهم وشكلهم وخلوهم مش عايزين يعيشوا أصلًا في الدنيا لأنكم بتحسسوهم إنهم عبء عليكم. ممكن نكون بناكل أكلكم واحنا مش عارفين هههههههههههه.

طب تعرف يا صديقي إن الولايات المتحدة الأمريكية إن معدل السمنة فيها أعلى نسبة سمنة في العالم 35 %للرجال و 38 % من السيدات. الدراسات التي أجريت على الأشخاص المصابين بالسمنة أثبتت إن كل منهم جرب من 5 ل 7 أنظمة رجيم وأغلبها فشلوا في النظام ولم يكملوا وإن أغلبهم أصيبوا بالاكتئاب ويأخذ مضادات للاكتئاب (ملحوظة مضادات الإكتئاب تزيد الإصابة بالسمنة) يعني بيعاني منها وبدل ما يعالجه منها بيزودها والأغرب إن معظم اللي بيعمل رجيم وزنه في الغالب بيزيد مش بيقل.

كلمتك أو ضحكك علينا أو معايرتك بسمنتنا مش حاجة ظريفة ولا مضحكة ولا هي حاجة حلوة.


يعني أنت فرحان إن أنت تخين ؟؟؟؟؟؟؟؟؟؟؟؟؟؟

اه فرحان وجدااا ومتقبل نفسي كدة كمان وده كان من الأسباب الرئيسية اللي خلت جسمي يقل ف الوزن بشكل تدريجي ومن غير تفكير ولا احباط كمان!

ممممممممممممممممممممممممممممممممممممممممممم

تتعجب ليه يا صديقي؟

طب خدي ديه كمان الأشخاص المصابون بالسمنة بيعرضوا للإهانة والعنصرية في كل المجتمعات في كل العالم وبياخدوا مرتب أقل وكمان بياخدوا مميزات أقل. في قوانين العمل اتعاملت في الولايات المتحدة الأمريكية (بلد الحرية) هناك قوانين في ال 48

والية بتعطي الحق لصاحب العمل في تقليل أجر المصاب بالسمنة ورفضه كمان لهذا السبب.

أليس ذلك بعنصرية ؟

اوبراونيفري ف كتابها قبل ما تخس وتكون مشهورة قالت حينما كنت أتقدم إلى عمل، كانوا يقولوا لي ياااااااه انتي سمينة إزاي هتشتغلي وهتقومي بالعمل؟

كانت ترى في وجه الناس الشفقة والتريقة ليس للونها فقط ولكن كمان لأنها كانت مصابة بالسمنة وكانت تبكي كثيرا لهذا لسبب ثم قامت بتقبل نفسها وتعاملت مع الأمر بطريقة جميلة (ساسردها لكم فيما بعد) وقامت بالتخسيس لنفسها وأصبحت الآن من أشهر مذيعي الولايات

المتحدة الأمريكية.

مصابوا السمنة كمان منبوذون من الفتيات والبعض يتريق ويقول أنت حتفطسني وتضحك وما تعرفش انهم بيقتلوه بالكلمة دي.

السمنة مرض ونبذهم مرض أبشع لأنك بالمعنى الحرفي بتدمره نفسيا وبتجعله يكره نفسه أكتر، ويكره شكله ومن حوله.


طب ايه الحل؟

استنى بس لازم نفهم حاجات تانية قبل الحلول:

ايه اللي ساعد على انتشار السمنة في العالم كله. في القديم الأزل كان الغذاء نادر ولكن صحي بمعنى كانت تقام حروب من أجل الغذاء ولكن كانت السمنة غير موجودة فعليا وكان الكل يأكل ولكن من الطبيعة خضروات وفواكه ولحوم من الطبيعة فكانت تلك الظروف والعوامل تؤدي إلى الرجيم الطبيعي.


يعني الحل نعمل حروب اهلية واتخانق ع السندوتشات؟؟

انا مممممممممممممممممممممممممممممممممممممممممممممممممممممممممممم!!!!!!!!!

انت بتقول ليه كدة استنى اكملك….

بعد الحرب العالمية التانية والاحتياج لوسائل غذاء سهلة الحمل والتنقل، بدأ التصنيع الغذائي

وأكذوبته !!!!!!!!!!!!!!!!

نعم أكذوبته مثال الدقيق اللي مفروض أنه منزوع من القشر وجنين القمح (النخالة) ومضاف عليه المعادن. يعني خبز مصنع ومضاف عليه المعادن والفيتامينات اللي هو انت نازعهم أصلًا من الطبيعي تلك المصنعات تؤدي إلى السمنة بعد ظهور الوجبات السريعة والمعلبات والسناكس اختلفت طرق وطريقة التغذية فظهرت الحمية الغذائية بين الواجبات.


ف 1970 كان معدل تناول الوجبات الإضافية بين الوجبات كان 20 % وفي التسعينات وبعد التقدم العالمي في ذلك الوقت أصبح 45 % من الشعب يتناول وجبات إضافية بين الوجبات الأساسية بدل ما يأكل 3 مرات اصبحت من 4 ل 6 مرات يوميا مما ساهم إلى زيادة السمنة بشكل كبير.

يعني من الآخر تجارة خلقوا لها الاحتياج لحد ما كبرت وأصبحت عبء وكارثة ع المجتمعات.

وبردوا بدأت تنتشر برامج وميديا للتحذير من السمنة ومقاومتها.

وظهرت تجارة جديدة من نوع جديد وهي عقاقير التخسيس ووهم الرجيم

وهم ازاااااااااااااااااااي؟

في دراسة اتعملت حديثا في بريطانيا على يد مجموعة من العلماء في كامبريدج على شريحة تضم أكتر من 150 فرد مصابون بالسمنة وتمت متابعتهم لمدة 3 سنوات. اكتشفوا إن معدل التمثيل الغذائي للأشخاص الذين قاموا بعمل رجيم قل التمثيل الغذائي عندهم وبالتالي

زادوا الوزن الذي خسروه بأضعاف لأننا بنرجع ناكل زي الأول فيزيد الجسم ويقل معدل الحرق. إفراز هرمون اللبتين المسؤول عن الإحساس بالشبع يقل إفرازه مما يجعل الفرد عنده شعور بالجوع باستمرار وعدم الإحساس بالشبع، ونقطة تانية مهمة أن هناك طبيعة الأجسام قابلة للبدانة.

وهم التخسيس لأنهم بيستغلوا المشاعر والعاطفة لدى الأفراد واللي بيجهلوا الأثر النفسي للرجيم والأثر النفسي للشخص الذي يريد إنقاص وزنه. طبعا كل ده بيساعد على زيادة الوزن مش انقاصه بمعنى مهما ما نعمل من رجيم وأنظمة تخسيس وانت جسمك حاسس بالجوع وحاسس ان داخل على مجاعة وتقولي حباية أو عقار. يخسس لأنه أغفل الجانب النفسي.


طب الحل بقى لأنك كدة قفلتها!

لالالالا يا صديقي لم تغلق حنخس بس من غير ما يبقى عندنا مشاعر الحرمان...

مممممممممممممممممممممممممممممممممممممممممممم!!!!!!!!!!!!!!!!!!!!!!!

يعني ايه؟

أقولك هات ورقة وقلم واكتب اللي حأقولك عليه:

  • اكتب ماذا يمثل لك الرجيم ؟

  • ماذا يمثل لك جسمك وشكلك ؟

  • هل عندك الرغبة على تحسين صحتك والوصول للوزن المرغوب فيه لك انت ؟

  • هل رغبة التخسيس لديك من كالم الناس ؟ و ما عالقتك مع جسمك ؟


بعد الإجابة على تلك الأسئلة تكون وضعت أول خطوة لتحسين صحتك والوصول للوزن المثالي لك، وبقول المثالي لك وليس المثالي اللي تحبه أنت ويريحك وديه مهمة جداااااااااا عشان ما نزيدش ف الوزن تاني.


بعد ذلك نقوم بالآتي:

1 -الرضا والامتنان لجسمك لأنه يساعدك في الوصول للجسم ده

2 -تقبل جسدك الحالي كما هو بدون قيد او شرط

3 -التعامل مع انظمة التخسيس ع انها اسلوب حياة

4 -الغذاء الصحي المتوازن واكل كل شئ صحي بدون حرمان

5 -تقليل الوجبات السريعة حتى الامتناع عنها

6 -عمل تمارين رياضية مناسبة لك (هناك بعض الأفراد بيرتاح للمشي يبقى ديه رياضته المفضلة) يعني مش نروح جيم ونرهق نفسنا لأن ده مش رياضة حيبقى ارهاق وتعب وبعد كدة مش حنكمل فيها.

7 - الاستمرار ثم الاستمرار على العادات الصحية بدون التفكير في أنه رجيم أو عقاب للجسم بالعكس دة أسلوب حياة متوازن لصحة أفضل وشكل أجمل مما نحن عليه


بعد تنفيذ كل ذلك ستجد جسمك تصالح معك وساعدك على تقليل الوزن وخسارة وزن كبير بدون الرجوع اليه مرة أخرى. وهناك عمليات جراحية ممتازة لذلك ولكن يجب التصالح مع النفس والجسد.

بالنسبة للأشخاص المحيطين والمقربين واللي بيتعاملوا مع الأشخاص المصابي بالسمنة، ياريت بلاش تريقة ولا إحراج لأن هما مش مادة فكاهة ولا تريقة لحد. أي حد يقولك يا تخين احرجه وما تسمحش لحد انه يضايقك.

اللي يقولك يا تخين أو خس او أي كلمة سخرية احرجه لأن هو اللي عايز كدة عايز اللي يحرجه!

وأخيرًا أنا مبسوووووووط وسعيد بأني تخين ومتقبل جسمي كما هو...

مقالات أخرى قد تهمك عن الصحة البدنية

علاقة الحضن بالصحة

أضرار مضادات الاكتئاب

صحتك النفسية تبدأ من طعامك


دمتم بخير وسلام وسعادة :)
أحمد عبدالله
معالج بالتنويم المغناطيسي ولايف كوتش ومؤسس نفسيكو www.nafsico.com

للتحدث المباشر مع أحمد عبدالله فيما يتعلق بالمقالة:
من خلال مجموعة على الواتس What's up، اضغط هنا:
https://chat.whatsapp.com/BwLeRcS1i680PpgWkArvsm 
من خلال مجموعة على Telegram تليجرام، اضغط هنا:
t.me/Nafsico

للاستفسار عن جلسات الدعم النفسي وعلاج السلوكيات اتصل الآن:
من داخل مصر: 01204900556 / خارج مصر: 201204900556+
أو عبر لينكد إن LinkedIn:
https://www.linkedin.com/in/ahmed-abdallah-317b00174/